قصيده تبكي اللي قلبه حجر؟!

[المطلقه الحزينه]

هي قصيده با لسان سيدة وقورة ترقد احد المستشفيات منذ سنوات قصتها مبكية حيل
تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره ورجعت للبيت مسرورة وفرحانه فجأة قالي زوجي كل هالاغراض مو لك هذي لزوجتي الجديدة وانتي الحين طالق ..بعد هالحادثة اصيبت الزوجة بجلطة وغيبوبه جلست في المستشفى ولا احد يزورها غير اخ لها زارها كم مره وبعدين بطل لما طالت المدة ولازالت موجودة في المستشفى والكل يعرفها وحافظ قصائدها وكلماتها ولما تسألها عن قصتها تبكي بحرقه وتردد قصائد توجع القلب لانها ولهانه حيل على اولادها ولا تدري عنهم شيء فالكل هجرها...



تكفيـن يـا طيـور السعد افزعيلـي
ابي عن اديـار الاهـل منـك الاخبـار
تكفين حومـي فوقهـم وارجعـي لـي
والا ان حصل لك حومة داخـل الـدار
تكفيـن حـول ابيوتـهـم دوري لــي
سبعـة فـروخ يـوم اخليهـم صغـار
شوفي ضنـاي وعـودي وانكفـي لـي
وشلونهـم يـا علهـم صـارو اكـبـار
نسيوادفـاي ونومهـم فــي شليـلـي
وش علمهـم ياعلهـم طـول الاعمـار
قولـي لهـم أن امكـم لهـا عويـلـي
خمسـة سنيـن دمعهـا دوم مــدرار
وقولي لهـم انـي علـى طـول ليلـي
انـوح وليـا قـرب الصبـح انـهـار
وقولـي عيونهـا دايـم لهـا هميـلـي
تبكـي ليـا شافـت مـن النـاس زوار
كل يوم اقول اغدي حديهـم يجـي لـي
راحـت سنيـن مابـهـم واحــد زار
وانا اللي مـن سبـة سـوات الحليلـي
حالـي تـردت كـل مالهـا وتنـهـار
وفرقى ضنـاي اللـي تـردت بحيلـي
كني على شوفتهـم اصلـى علـى نـار
يـا ويلـي كـان الله عجـل رحيـلـي
وانا لـي سنيـن ابـي لوهـي اخبـار
ياعونـة الله الله مـن يبـي يتكـي لـي
جارت علي بامرالولـي كـل الاقـدار
تنكـروا مــن يدخـلـون الدخيـلـي
واللـي بوسـط ديارهـم يامـن الجـار
قولـي لهـم ياطيـور قلبـي عليـلـي
الله يكافـي قلوبهـم صـارت احجـار
وانـا اللـي لبـراق الخيـال استخيلـي
واقـول يـاعـل (......) للامـطـار
.تكفيـن وسـط ديارهـم صوتـي لـي
شوفي عسى لسمي مـع النـاس تذكـار
وقولـي لمـن نسيانـهـم يستحيـلـي
يااللـي نسيتوهـا تـرى الوقـت دوار
ياهيـه ياللـي بالسمـا لـك هديـلـي
ردي خبـر تكفيـن يكفينـي امــرار
شوفـي اكااللـي نومهـم فـي شليلـي
من اذان المغرب الى وقـت الاسحـار
شوفي اكااللـي مااهتنـي فـي مقيلـي
الا بمقيـل معهـم كـبـار و صـغـار
وقولـي لهـم ان كـان حملـي ثقيلـي
مره يجـون وعقبهـا شـي مـا صـار
وانــا يتـولانـي كـريـم جليـلـي
يا علني في جنته وسط الابرار..........
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

الدنيا اخذ وعطا... وانت ماعمرك عطيت
والحب احساس ووفا... وانت ماعمرك وفيت
كنت بعيوني غلاتي...كنت تسوالي حياتي
للأسف كانت اماني...لكن خساره تضحياتي

[كريستال]

جزاك الله خير حبيبتي المطلقه الحزينه ..
فعلا قصيده مؤثره جدا ..كان الله في عونها وفرج همها ..
بارك الله فيك أخيتي ..

..

[شوشو88]

بارك الله فيكي اختي على القصيده الموثره فعلا بانتظار جديدك

[المطلقه الحزينه]

اخوات الطيبات :كريستال وشوشو اشكركن على تفاعلكم وطلاق لايعرف مرارته واحزانه الا من جربه

وهذي الاابيات ارسلها لهذا الرجل واشباه من رجال المتكبرين والمتغطرسين على اش مدري


فقع قلبي ثقل طينك ومع شينك طويل لسان تغلىليش من زينك نحسبك قايدالغزلان


صوتك مثل المطر

ووجهك مثل القمر

واذا ضحكت احس

فيك جنون البقر


أشوفك من قلبي تقرب وأثرك يالخبيث عقرب .. أنشهد إنك مثل الكلب ألاجرب!!

[yassamin]

السلام عليكم ورحمة الله تعالى وبركاته
مشكورة اختي الحزينة المطلقة قصيدة حلوة كثيرة ومحزنة في نفس الوقت جزاك الله خيرا
اختك ياسمين
والسلام عليكم ورحمة الله تعالى وبركاته

[أم المثنى]

بشر القاتل بالقتل ولو بعد حين........!
هذي رسالتي لكل رجل(هذاأذا كان فيه ذرة رجوله)

[رونى]

والله انه رجال مايستحى

حتى اولادها مافيهم خير


الله يكون بعونها انشالله


مشكورة اختى المطلقة

بس نفسى لو تشيلى مرارة التجربة من حياتك و تحاولى تبدائى من جديد

الطلاق مو اخرة الدنيا بالعكس يمكن يكون طريق ممهد لحياه سعيدة جديدة

الله يوفقك

[القلوب الجريحة]

الله اكبر على هذا الرجل

[العبيرAL3bER]

ســــــــبحان الله

اشكرك على المشاركه

ولي معك وقفه على شاطئك لو احببتي اختي المطلقه الحزينه ..

[سوسوسمسم]

حبيبتي

المطلقة الحزينة

انا بكيت وانا اقرأ القصة ليسه ما قرأت القصيدة

الله يبارك لكي غاليتي ويبعد عنك الاحزان

لا انحرمنا من تواصلك

[جوهرة المشاعر]

يا حرام والله ما تستاهل أين ضمير هذا الرجل؟..
يا حسافه على اللي يحب ويضحي ويرخص طيبته للي يحبه ولكن غيره من يحبهم ما يحسون فيه صج انه رجل عديم الأحساس والمشاعر والضمير..

الله يكون في عونها وحقها ما بضيع عند رب العالمين

فالله يمهل ولا يهمل

أشكركِ غاليتي

مطلقــــ حزينة ــــة

على هذه القصيدة التي بالفعل أثرت فيني كثيراً فعلاً قصيدة وقصة مؤثرتان وحزينتان. ولكن يا غاليتي دائماً كوني مبتسمة للحياة ولا تعيشي حياتكِ في حزنٍ وهم صحيح أن الإنسان يمر بهما ويتعرض لهما لكن هذا لا يعني ان حياته دائماً ستكون كما هي حزن وهم لا يا غاليتي فربكِ كريم ودائماً تفاءلي بالخير ولا تيأسي أجعلي الأمل طريق حياتكِ وأرسمي البسمة دائماً على شفاتكِ وتذكري أن لم تجدي السعادة والراحة حتى الآن فإنكِ سوف تعيشينهما وتحصلي عليهما بإذنه تعالى ولكن عليكٍ دائماً بالصبر والدعاء إن الله مع الصابرين.

فنحن كلنا اخواتكِ نقدم كل ما يفيدكن ويرضيكن ويسعدكن من أجل أن تشاركوننا تلك السعادة والمحبة اللتان تجمعنا دائماً في هذا المنتدى الرائع.

الله لا يحرمنا من بعض ويجمعنا أخوات محبات متعاونات للأبد

اللهــــ آآآآآآآآآآمين ـــــم

مع أحر تحياتي وأشواقي أزفهما لكِ يا غاليتي ولجميع أخواتي الغاليات أسرة هذا المنتدى الرائع.. الجميل فتقبلوهما من أختكن التي تحبكن من كل أأأأأأأأأأأأأأعماق قلبها

**جوهـــــــ المشاعرــــــرة**